رواية عشق الفهد (كاملة جميع الفصول) بقلم شيماء عبد التواب
(عشق الفهد)
بطلنا (فهد المنشاوى) اكبر رجل اعمال فى الشرق الاوسط 30 سنه وسيم جدا شعره اسود وعينه خضرا جسم رياضى قاسى جدا مع كل الناس والكل بيخاف منو ويعمله الف حساب بيجذب كل البنات وهو مش فارق معاه
(زياد الدمنهورى) صديق ياسر المقرب 30 سنه جسم رياضى شعر اسود وعينه عسلى مرح وبيحب الهزار عكس ياسر
بطلتنا (عشق) 21 سنه فتاه جميله شعر بنى ناعم طويل تخفيه داخل حجابها عيون بنى جسم متناسق.
(ياسمين) صديقة عشق المقربه 21 سنه جسم متناسق شعر اسود قصير محجبه عيون زرقا.
هتعرفوا باقى الشخصيات فى الحلقات الجايه
فى المول كانت عشق وياسمين بيشتروا هدوم جديده عشان عيد ميلاد عشق قرب
ياسمين: انا هاروح اجيب حاجه نشربها
عشق: اوك متتأخريش
ياسمين: ماشى
تليفون عشق رن وكان المتصل ياسمين
عشق: ايه يابنتى
ياسمين:اجبلك بيبسى ولا عصير
عشق:بيبسى يا اخره صبرى
ياسمين:اشطا يلا باى
عشق قفلت الخط وراحت تتفرج على الفساتين وهى وماشيه
عشق خبطت فى حد
عشق: اااااه مش تفتح يا اعمى
فهد بغضب: انا اعمى
عشق بعصبيه: اه اعمى
فهد بغضب: انتى واحده قليلة الادب ومش متربية ولسانط طويل
عشق ضربته بالقلم وطلعت تجرى وقفت تاخد نفسها شافتها ياسمين
ياسمين: كنتى فين يا بنتى ومالو وشك اصفر كده ليه
عشق: خبط فى واحد وضربته بالقلم
ياسمين بضحك: يخربيتك مفتريه
عشق: اسكتى ونبى انا لو فضلت واقفه قدامه ثانيه واحده كان قتلنى
ياسمين بضحك: عدت على خير يلا بينا نكمل
عشق: لا ياختى انا هروح البيت مش قادره امشى
ياسمين: ماشى يلا بينا
ميشوا على البيت
ملحوظه: عشق وياسمين ساكنين فى نفس العماره
عند فهد
فهد بعصبيه: والله لاندمك بقى انا واحده تضربنى بالقلم
فهد لاحد الحراس: تجبلى كل المعلومات عن البت دى خلال ساعه واحده فاااااااهم
الحارس: اوامرك يا فهد بيه
مشى فهد من المول وركب سيارته الغاليه
فهد للسواق: على القصر
السواق: حاضر يا فهد بيه
وصل فهد القصر وهو فى قمة غضبه من تلك الذى تجرأت وضربته
دخلت اوضته كانت باللون الاسود مثل قلبه اخذ شاور وقعد مستنى الحارس يجبله المعلومات عن عشق
عند عشق وياسمين وصلوا العماره
عشق: تعالى معايا فوق عشان نختار الزينه
ياسمين: اشطا يلا بينا
طلعوا عند شقه عشق خبطوا
الام سعاد: جايه يا شويه جزم
عشق وياسمين: سوسو وحشتينى
سعاد: يا بكاشه منك ليها ايه ده مجبتوش حاجه ليه
عشق وهى تدخل: ده موضوع طويل يا سوسو المهم فى اكل ايه
سعاد: مفجوعه من يومك
ياسمين بضحك: وانا كمان جعانه اوى
سعاد: تعالوا كلونى بالمره
عشق: يعنى لما اكلك يا سوسو مين هيعملى ورق عنب يعنى
سعاد: ربنا يصبرنى عليكم
سعاد جهزت العشا وقعدو اتعشوا ودخلت البنات الاوضه يختاروا الزينه بعد وقت استأذنت ياسمين ومشيت
عشق: داخله انا يا ماما تصبحى على خير
سعاد: وانتى من اهل الخير يا حبيبتى
عند فهد استأذن الحارس ودخل
فهد: جبت اللى قولتلك عليه
الحارس: ايوه يا فهد بيه اتفضل ده ملف فى كل حاجه عنها
فهد: تمام اطلع برا
الحارس: اوامرك يا فهد بيه
خرج الحارس برا وفهد نظر للملف بأبتسامه مخيفه فتح الملف وقرأو
فهد بابتسامه مخيفه: اممممم اسمها عشق احمد خليفه 21 سنه فى كليه طب والدها متوفى تعيش مع والدتها
فهد بغضب: هندمك يا عشق مش فهد المنشاوى اللى بنت تمد ايدها عليه
قفل الملف ونام
ماذا سيحدث يا ترى
